යේසුස්වහන්සේ ඉතා තරුණ අයව තම ප්‍රේරිතයන් වීමට කැඳවූසේක. බොහෝ අය සිතන්නේ අපොස්තුළුවරයෙකු වීමට අවම වශයෙන් වයස අවුරුදු 60 හෝ 65 විය යුතු බවයි. නමුත් යේසුස්වහන්සේ තම පළමු ප්‍රේරිතයන් වීමට තෝරාගත්තේ අවුරුදු 30ක් වයසැති අයවයි. යේසුස් වහන්සේ මිය යන විට උන්වහන්සේට වයස අවුරුදු 33½ ක් පමණක් වුණි. ප්‍රේරිතයන් එකොළොස් දෙනාම ඔහුට වඩා බාල වූවේය - මක්නිසාදයත් යුදෙව්වන් අතර රබ්බිවරුන් සෑම විටම ඔවුන්ට වඩා බාල අය තම ගෝලයන් ලෙස තෝරා ගත් බව අපි දනිමු. පෙන්තකොස්ත දවසේදී යොහාන්ට වයස අවුරුදු 30ක් පමණ වන්නට ඇත.

" අපි බිඳුණාවූ හා යටහත්වූ අය නම් , දෙවියන් වහන්සේ සැමවිටම අපව භාවිතා කරනු ඇත."

යේසුස් වහන්සේ මෙම තරුණයන් කැඳවූ විට, උන්වහන්සේ බැළුවේ ඔවුන්ගේ අත්දැකීම් දෙස නොව, ඔවුන් මුළු කැමැත්තෙන්දැයි පමණි. පෙන්තකොස්ත දවසේදී මෙම තරුණයන් ශුද්ධාත්මයාණන්ගෙන් අභිෂේක කරනු ලැබූ අතර ස්වාමින්වහන්සේගේ ප්‍රේරිතයන් වීමට ස්වභාවෝත්තර ලෙස සන්නද්ධ වූහ. ඔවුන්ගේ අත්දැකීම් සහ පරිණතභාවය පසුව පැමිණියේය. තිමෝති ද ඉතා තරුණ වියේදී ප්‍රේරිතයෙකු බවට පත් විය (1 තිමෝති 4:12).

දෙවියන් වහන්සේ දවසේදීද තරුණයන් තම සේවයට කැඳවයි. නමුත් ඔවුන් යටහත්ව සිටිය යුතුයි. දෙවියන් වහන්සේ විසින් කැඳවනු ලැබූ ඕනෑම තරුණයෙකු මුහුණ දෙන ප්‍රධාන අනතුර ආත්මික උඩඟුකමයි.

මම ඉන්දියාවේ බොහෝ ඛේදජනක සිද්ධීන් දැක ඇත්තෙමි, දෙවියන්වහන්සේගේ සේවකයන් වීමට දෙවියන් වහන්සේ විසින් කැඳවන ලද තරුණයන්, ඔවුන්ගේ කැඳවීමෙන් වැටී සිටි. සමහර අවස්ථාවලදී, දෙවියන් වහන්සේ ඔවුන්ව යම් ආකාරයකින් භාවිතා කිරීමට පටන් ගත් වහාම, ඔවුන් පිම්බේ - එවිට දෙවියන් වහන්සේට ඔවුන්ව පසෙකට දැමීමට සිදු විය, මන්ද ඔවුන් දෙවියන් වහන්සේට අයිති මහිමය තමන් වෙතට ගත් බැවිනි. තවත් සමහර අවස්ථාවල දී, ඔවුන් ලෞකික සැනසීම සොයමින්, හොඳ වැටුප් ගෙවන බටහිර ක්‍රිස්තියානි සංවිධානවල වැටුප් ලබන සේවකයින් ලෙස අවසන් කළෝය. මෙසේ ඔව්හු බාලාම් මෙන් නොමඟ ගියෝය. තවත් අවස්ථා වලදී, ඔවුන් ලස්සන දෙලීලා ලා විසින් ආකර්ෂණය කර ගත් අතර, සැම්සන් මෙන් ඔවුන්ගේ ආලේපය අහිමි කරගත්තෝය. මේ අනුව, මෙම යහපත් තරුණයන් දෙවියන් වහන්සේගේ කැඳවීම සහ ඔවුන්ගේ ආලේපය පරිත්‍යාග කළේ, මිනිසාගේ ගෞරවය සහ මුදල් ලබා ගැනීම සඳහා හෝ ලස්සන කාන්තාවන් කෙරෙහි ඔවුන්ගේ ආශාව තෘප්තිමත් කර ගැනීම සඳහාය.

දෙවියන් වහන්සේගේ වචනය නොබියව ප්‍රකාශ කරන, මුදල හෝ රූමත් කාන්තාවන්ව හෝ මිනිසුන්ගේ අනුමැතිය නොසලකන දෙවියන් වහන්සේගේ අනාගතවක්තෘවරුන් අද ඉන්දියාවේ කොහේද?

ඔවුන්ව සොයා ගැනීම දුර්ලභය. දෙවියන් වහන්සේ විසින් කැඳවනු ලැබූ අය බොහෝ විට මාර්ගයෙන් වැටී ගොස් ඇත.

දෙවියන් වහන්සේගේ පූජා නම් බිඳුණාවූ හා තැළුණාවූ ආත්මයකි. අපි බිඳුණාවූ හා යටහත්වූ අය වන්නෙමු නම්, දෙවියන් වහන්සේ සැමවිටම අපව භාවිතා කරනු ඇත. නමුත් අපට ලැබී ඇති මහා හෙළිදරව් කිරීම් නිසා හෝ දෙවියන් වහන්සේ අපට ලබා දී ඇති දැවැන්ත දේවසේවය නිසා හෝ අප යමෙකු බවට පත්වී ඇතැයි සිතන දිනයේදී අපි පසුබැසීමට පටන් ගන්නෙමු. එවිට දෙවියන් වහන්සේ අපව පසෙකට දමනු ඇත.

යම් සභාවක වැඩිමහල්ලන් ලෙස අපගේ තනතුර තවමත් අපට තබා ගත හැකිය. නමුත් අපි අපේ ජීවිත නාස්ති කර ඇති බව සදාකාලයේදී අපට වැටහෙනු ඇත.

©Zac Poonen – [email protected]